Suteei buruzko zenbait iradokizun
Ez naiz gai horretan aditua, baina zentzu komunak hauxe erraten dit:
Egun hauetan, suteak zabaltzeko ekaitz ezin hobea izan dugu, bertzeak bertze, lau elementu hauek:
1) Oxigenoa/haizea 30-40 km/h-tik gora
2) Erregaia (zereal lehorra eta lur lehorra)
3) 30 gradutik gorako beroa
4) Hezetasun erlatiboa 30 baino aunitz txikiagoa da.
Egoera honetan ezinbertzekoa litzateke uzta ez jasotzea jakina.
Sinetsita nago suteetako nekazariek gaitasun eredugarria izan dutela (zisternetan ura jartzea suhiltzaileen kamioiak hornitzeko, eta beraie eremu uztetan ere su laburra egin dutela…)
Klima-aldaketak sarriago eraginen dituen egoera horiek direla eta, beharrezkoa eta premiazkoa da gure burua irekitzea eta elkarrizketa sortzea, bertzeak bertze, uzta-biltzaile, basozain eta aditu tekniko horien artean, iradokizunak jaso ahal izatzeko.
Iradokitzen dut, nekazari bakoitzak lursail bakoitzean su laburra ohiko zerbait balitz bezala egin beharko luketela, sua bertze lursail batzuetara zabal ez dadin.
Halaber, auzolan moduan, nekazari guztiekin adostu behar litzateke herri-periferian eta interesagatik babestu beharreko eremu garrantzitsuetan su laburrak egitea, herriak, biztanleak eta herriaren intereseko bertze eremu batzuk salbatzeko.
Gaur egun, eremu ertainean, oso ohikoa da lur pribatu uztartuak eta zabalduak ikustea (mendi-bidexka naizenez) baita eremu publikoetan ere, interes pribatuagatik eremu publikoetan dauden bidexka eta baso bide publikoak desagertzeraino ere (basozainen lana litzateke muga jartzea)
Behar-beharrezkoa eta premiazkoa da mendiko eta mendilerroetako su-laburren plan estrategikoak egitea, baita haien mantentze-lana ere, suteak mugak izan ditzan eta suteari aintzin egiteko.
Zenbait zuhaitzek su aurre egin dezakete; izan ere, suaren aitzinean geldierazten bait du, eta zenbait lekutan interes horrekin lantzen dituzte.
Ziur nago neurri hauek bezain interesgarriak edo interesgarriagoak badirela, zoritxar honetatik ikastea espero dut eta nahi nuke. Guztion onerako begiratu behar genituzke gure lurrak, mendiak, mendi lerroak eta biztanleak babesteko modua.
Battite Martiarenak idatzia